منتدى ابراهيم السعدنى
يتوجب عليك التسجيل اولا منتدى ابراهيم السعدنى يرحب بالسادة الاعضاء مع تمنياتى لكم بوقت سعيد فى منتدانا الغالى
تحياتى م/ ابراهيم السعدنى

اسباب وطرق اصلاح شبكات الانترنت بالتفصيل مع شرح التركيب لاول مرة

استعرض الموضوع السابق استعرض الموضوع التالي اذهب الى الأسفل

للاعلان اضغط هنا اسباب وطرق اصلاح شبكات الانترنت بالتفصيل مع شرح التركيب لاول مرة

مُساهمة من طرف Admin في الخميس أكتوبر 01, 2009 6:52 am

[b][b][b]اسباب وطرق اصلاح شبكات الانترنت بالتفصيل مع شرح التركيب لاول مرة


بسم الله الرحمن الرحيم

على بركة الله سوف اقوم بشرح عمل شبكة انترنت شرح مبسط للاستفادة للكل

بعد غيابى الطويل فكرت ان اهدى شىء لزوار منتدنا

قبل كتابة الموضوع احب ان اذكر شىء الموضوع مش منقول الموضوع عن تجربة استغرقت حوالى عامان

وبحمد الله وتوفيقة توصلت الى اهم شىء فى الشبكات وهي اهم نقطة كيف يتم معالجة او اصلاح الاعطال

وسوف اقوم بشرح سليم باذن الله

وخصصت هذا الباب لذلك ومن لديه استفسار يكتب لى رد من اسفل الصفحة واستفسارة

او الاتصال بى

على رقم0107643990
0111928933
أخوكم فى الله
ابراهيم السعدنى


بسم الله نبد الدرس ونركز شوية

الدرس الاول انشاء الشبكة

1-نتعاقد مع الشركة ونستاجر روتر 4 بورت يكون وير لس الويرلس حنستخدمة مستقبلا

2-وصول
الخدمة والتركيب طبعا كلنا حنطلب التركيب الذاتى وده حتوفرهولك الشركة
يعنى حتتصل بالشركة وتركب الخدمة معاها على التليفون طبعا حيكون متوصل
جهاز واحد فى الاول


3-منوصلش لحد لغاية منختبر السرعة علشان نعرف من الاول هل الخط بيفصل او السرعة بطيا

4- اهم شى لازم تعرفة كام سرعة اتصالك والدونلود كام علشان اكون عارف

5- نجى بقا للموضوع المهم

طبعا عايزين نوصل الخدمة للاجهزة الاخرى حنعمل ايه

لازم طبعا يكون فى كل جهاز كارت lan

زى ده طبعا كلنا عرفينو  ومتوفر كثيرا فى الاجهزة

تيجى بقا للتوصيل حنجيب سويتش 8 بورت ويفضل منسترخس ونجيب سويتشd_link الاصلى مش المضروب الى بيتباع 65 جنية ده مضروب

اهم خطوة منوصلش اى اجهزة مباشرتا الى الروتر التوزيع حيكون من السويتش يعنى نوصل الروتر بالسويتش وناخد من السويتش الى الكمبيوتر

واحد
حيسالنى ليه منوصل بقيت البورت الى خارج من الروتر انا بقا اقولك منوصلش
ليه بالروتر علشان ده بيسبب تهنيج للروتر الروتر لما بيطلع منه بورت واحد
بيكون افضل علشان نخلى توزيع الاى بى من خلال بورت واحد وباقى البورت
علشان لو النت هنج نعمل رسترت او نغير المكان الى بورت تانى


نجى بقا لصناعة السلك

السلك بيكون 8 طرف يفضل يكون سلك بيلدن او ديلنك ونشوف خامة السلك يعنى يكون سلك خامة كويسة ودة افضل انوتع وسعرها معقول

ازاى
بقا حنعمل تريج للسلك طبعا حيكون معانا حاجة اسمها اراجة عملة زى الظردية
ده علشان تضغط على السلك مع الارجى بتاعة بلستك بتدخل فى كارت lan متوصلة
ب 8 اطراف


ترتيب السلك حيكون بالطريقة ده وممنوع التغير فى الالوان

1- بنى 2- ابيض بنى 3- اخضر 4-ابيض ازرق - 5 ازرق - 6 ابيض اخضر 7 - برتقالى 8- ابيض برتقالى

وده صورة نعمل زيها

ملحوظة فى ارجية رخيص منجبهوش علشان ده بيعلق بيخلى الخدمة على جهاز
الكمبيوتر بتروح وبتيجى وبيهنج الروتر ثمنه 10 قروش الكويس بيكون 25 قرش
ده طبعا سعره فى مول الكمبيوتر سوق العصر وغيروه من مولات الكمبيوتر ومن
الافضل فى ارجية معدنى جامد جدا بسعر 50 قرش للواحد


اللمهم عملنا الارجية من النحيتين

بنوصلهم بالكمبيوتر والسويتش

ومحدش يعمل اى بى للاجهزة خليه اتوماتيك افضل

بالسبة لو حنمد سويتشات تانى على مسافات علشان يستحسن اننا منوصلش اكتر من 90 متر سلك من السويتش الى الكمبيوتر

لو حنمد سويتش تانى حنعمل طريقة ظريفة تخلينا نعمل رسترت للسويتشات كلها فى وقت واحد وهى كالتالى ياريت نركز شوية فى المرحلة ده

في عندنا 2 طرف سلك ملهمش لزمة خالص

وعلشان نتاكد حنعمل التالى

حنقطع سلك الى متوصل بجهاز كمبيوتر مع السويتش

حنوصل السلوك كلها ما عدا بنىو ابيض بنى مش حنوصلهم حنلاحظ ان النت برضوة شغال ومفهوش مشكلة

حنستغل
احنا بقا الى الطرفين دول فى الكهربة يعنى بعد منعمل الارجية نفتح الكبل
الخارجى ونقطع الطرفين دول ونبعدهم مسافة عن الارجية طبعا انتم فاهمين انا
اقصد ايه


يعنى
بعد ممتاكدو من ان الطرفين دول ملهمش علاقة بالخدمة نوصلهم بالكهربة ونركب
فيشة نتايه وفيشة دكر طبعا فهمتو وهاكذا فى السويتش الى بعدوة


ونغذى الكهربة من عندك انتا يعنى لما اشيل فيشة الكهربة كل السويتشات تفصل كهربة

وبكدة حتضمن انك متروحش لحد تقولو شيل فيشة الكهربة بخلاف انك تريح السويتش وانتا قاعد مكانك وتعمل رسترت للسويتشات كلها

فى واحد ممكن يقولى السلك ميستحملش الكهربة انا حاقولة يستحمل لان السويتش بيتعمل كهربة ضعيفة ترنس هو الى حيتركب

بس
نخلى بالنا وحنا بنوصل اوعى حد ينسى الالوان اعتبر ان الطرفين دول مش
موجودين بالكبل واياك توصل كهربة للسلك الى متوصل بالكمبيوتر اعمل الطريقة
ده للكبل المتوصل بالسويتشات بس يعنى الربط بين السويت والسويتش الاخر


اهم
الاعطال الى حتوجهنا تهنيج الروتر شيل الفيشة بتاعت الروتر يعنى اقطع عنه
الكهربة لمدة 10 دقايق ان كان درجة الحرارة مرتفعة والروتر سخن سيبوة
مقفول لغاية ميبرد المشكلة لسة موجود شيل البرت المتوصل بالسويتش وشوف
لمبة الخدمة اشتغلت ولا لسة لو اشتغلت افصل الكهربة شوية عن السويتشات
كلها وغير مكان البرت لمكان تانى ويحتمل مشكلة ممكن تكون فى الكهربة


النت شغال عند ناس وناس لا

هنا
فى كذا سبب السبب تحددة من خلال خطا الاتصال يعنى فى علامة اكس كدة فصل من
السويتش او السلك مقطوع او الارجية عايز يتغير او المدخل عايز يتنضف وتاكد
ان السويتش متصل بالكهربة يعنى منور ده بالنسبة اعلامة اكس حمرة على شبكة
الاتصال


خطاء علامة صفراء على شبكة الاتصال

كارت
lan تالف او مش متركب كويس مشكلة فى تعريف الكرت السويتش مهنج فى قطع فى
بعض السلوك الارجية فيه سلك مخلوع مش مضغوط كويس الروتر مهنج اعمل رسترت
للسويتشات والروتر فيه برنامج صاحب الجهاز مصطبوة من احدى المنتديات تحت
شعار تسريع النت تسريع التحميل لغيروة من البرامج الى مش متوفقة مع الروتر
بالنسبة للمعلومات زى برنامج للحفاظ على النت من القطع وغيروة


مشكلة برضوة قبلتنى وهى ان شبكة الاتصال منورة ومفهاش اى علامة تدل على مشكلة

احنمال
فى حد بيستعمل برنامج نت كت يعنى حد فاصل على الاجهزة ده بقا بنريح الشبكة
كلها لمدة طويلة لغاية ما الشخص يعرف ان البرنامج ده بيقطع النت عنه كمان
يعنى شيل الفيش كلها بتاعت السويتشات والروتر فرصة الاجهزة تريح


المشكلة ممكن تكون تهنيج الروتر عمل رسترت للروتر والاجهزة وشوف  او اعمل رسترت للكمبيوتر

المشكلة ممكن تكون النت فاصل من الشركة اتصل بالشركة للتاكد فى حالة انك موصل جهاز واحد فقط

تاكد من ان المبة منورة فى الروتر تاكد من الاسبليتر الموصل للروتر

متوجعش
دماغك وخد سلك التليفون من غير الى متوصل للروتر وحطوة فى الروتر على طول
يعنى متوصلش التليفون اشتغل يبقى غير الاسبيلتر والعيب ده بيكون مش منتشر
يعنى بسيط


بالنسبة بقاء للبرامج الى حتتفق مع المشتركين معاك انهم ميستعملوهاش

اى
برامج تستعمل للتحكم فى الشبكة مثل النت كت وغيروة من البرامج والى تعرف
انوة عمل كدة افصلو النت انتا الكسبان ممكن شبكة مكونة من 100 جهاز جهاز
واحد حيخربلك الدنيا وحيخليك تلف حولين نفسك


مشكلة البطىء

افرض
عليهم وقت للتحميل مثل الافلام والملفات الكبيرة وغيروة وحددموعد للتحميل
ولو يكن مثلا من 3 فجرا الى 3 عصر دونلود مفتوح وباقى الاوقات تصفح
وللاقضاء على التحميل المستمر اعملهم شيرنج بالافلام والاغانى وغيروة يعنى
اعمل شير للاجهزة وبعضها


وبكدة اكون انتهيت ومستنى اى مشكلة او استفسار او نقض فى الموضوع

قبل ما انسى الوير لس ممكن نشغلة لو حد عنده لاب توب مجهز لاستقبال نت بالويرلس

وفيه كروت وير لس موجودة فى المول الكمبيوتر

للكمبيوتر العادى ثمن الكرت حوالى 120 جنية
[/b][/b][/b]

Admin
Admin
Admin

الابراج : الميزان عدد المساهمات : 481
تاريخ التسجيل : 08/07/2009
العمر : 32
الموقع : http://ibrahem-elsadany.roll.tv

بطاقة الشخصية
منتدى رائع:

http://ibrahem-elsadany.roll.tv

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى